வாலாஜாபேட்டை தன்வந்திரி ஆரோக்ய பீடத்தில் ஸ்ரீவீரபத்திரர் ஆலயம் பூமி பூஜை. நாளை 24ம்தேதி நடைபெறுகிறது.
வாலாஜாபேட்டை ஸ்ரீ தன்வந்திரி ஆரோக்ய பீடத்தில் ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீமுரளிதரஸ்வாமிகளின் ஆக்ஞைப்படி, சைவம், வைணவம், ஸ்ரீ சாக்தம், சௌரம், கௌமாரம், காணாபத்யம் என ஷன்மதத்திற்குரிய தெய்வங்களுக்கும் என மொத்தம் 89 திருச்சன்னதிகள் அமையபெற்றுள்ளது.
இந்த நிலையில் புதியதாக ஸ்ரீ வீரபத்திரர் ஆலயமும் அமைய உள்ளது. இதற்காக 5 அடி உயரத்தில் மாமல்லபுரத்தில் ஸ்ரீ வீரபத்திரர் விக்ரஹம் தயாராகி வருகிறது.
ஸ்ரீ வீரபத்திரர் ஆலயம் அமைப்பதற்கான பூமி பூஜை நிகழ்ச்சி வாஸ்து நாளான நாளை 24ம்தேதி வியாழக்கிழமை காலை நடைபெறுகிறது.
இன்று 23ம்தேதி புதன்கிழமை அமாவாசையை முன்னிட்டு ஸ்ரீ பிரத்யங்கிதா தேவி யாகம் மற்றும் பூஜையும், மிருத்யுஞ்சய ஹோமம், ஆயுஷ் ஹோமம் ,13 வது நாளாக ஸ்ரீசுதர்சன, ஸ்ரீதன்வந்திரி, ஸ்ரீ மகாலஷ்மி யாகங்களும் சிறப்பு பூஜைகளுடன் நடைபெற்றது.
மேலும் ஸ்ரீ மரகதாம்பிகை சமேத மரகதீஸ்வரருக்கு பால், சந்தனம், மஞ்சள், பன்னீர், விபூதி ஆகியவை கொண்டு சிறப்பு அபிஷேகமும், பூஜைகளும் நடைபெற்று அலங்காரம் செய்யப்பட்டது.
ஹோமங்கள்,பூஜைகள், அபிஷேகம் ஆகியவற்றில் ஏராளமான பக்தர்கள் கலந்து கொண்டு ஸ்வாமிகளை மனமுருக வழிபட்டனர். இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
No comments:
Post a Comment