வாலாஜாபேட்டைதன்வந்திரி ஆரோக்ய பீடத்தில் ஸ்ரீ ஆரோக்யலஷ்மி தாயாருக்கு சிறப்பு ஹோமம், அபிஷேகம், குங்கும அர்ச்சனை
வாலாஜாபேட்டை ஸ்ரீ தன்வந்திரி ஆரோக்ய பீடத்தில் ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீமுரளிதரஸ்வாமிகளின் ஆக்ஞைப்படி, கடந்த 11ம்தேதி அன்று 101 நாட்கள்- முப்பெரும் யாகங்கள் என்ற பெயரில் தொடங்கிய ஸ்ரீசுதர்சன, ஸ்ரீதன்வந்திரி, ஸ்ரீ மகாலஷ்மி யாகங்கள் தொடர்ந்து 15 வது நாளாக இன்றும்(25ம்தேதி) ,சிறப்பு பூஜைகளுடன் நடைபெற்றது.
இதன்படி ஸ்ரீ மஹா சுதர்சன ஹோமம், ஸ்ரீ மஹா தன்வந்திரி ஹோமம், ஸ்ரீ மஹாலட்சுமி ஹோமம் ஆகிய 3 ஹோமங்களும் தினந்தோறும் என 101 நாட்களும் நடைபெறுகிறது.
முன்னதாக இன்று 25ம்தேதி( வெள்ளிக்கிழமை) ஸ்ரீஆரோக்யலஷ்மி தாயாருக்கு நடைபெற்று வந்த லட்சார்ச்சனை நிறைவு பெற்றதை ஒட்டி ஸ்ரீ ஆரோக்யலஷ்மி தாயாருக்கு சிறப்பு ஹோமமும், பால், தயிர்,மஞ்சள், சந்தனம், பன்னீர், திரவியப்பொடி ஆகியவை கொண்டு சிறப்பு அபிஷேகமும், குங்கும அர்ச்சனையும் நடைபெற்றது.
ஹோமங்கள்,பூஜைகள்,அபிஷேகம் ஆகியவற்றில் ஏராளமான பக்தர்கள் கலந்து கொண்டு ஸ்ரீ ஆரோக்யலஷ்மி தாயாரையும், மூலவர் தன்வந்திரி பகவான் மற்றும் பரிவார மூர்த்திகளையும் தரிசனம் செய்து பிரசாதங்கள் பெற்று சென்றனர்.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
No comments:
Post a Comment