வாலாஜாபேட்டை ஸ்ரீ தன்வந்திரி ஆரோக்ய பீடத்தில் ஸ்ரீ லஷ்மி நரசிம்மர், ஸ்ரீ கார்த்தவீர்யார்ஜூனர், சத்ரு சம்ஹார ஹோமங்கள் , சிறப்பு பூஜைகள்
வாலாஜாபேட்டை, ஸ்ரீதன்வந்திரி ஆரோக்ய பீடத்தில் ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீமுரளிதரஸ்வாமிகள் ஆக்ஞைப்படி, இன்று 26ம்தேதி புதன்கிழமை ஸ்வாதி நட்சத்திர தினத்தை முன்னிட்டு ஸ்ரீ லஷ்மி நரசிம்மர், ஸ்ரீ கார்த்த வீர்யார்ஜூனர் ஹோமங்கள் மற்றும் கந்த சஷ்டியை முன்னிட்டு ஸ்ரீ கார்த்திகை குமரனுக்கு சத்ரு சம்ஹார ஹோமம் ஆகியவை நடைபெற்றது. மேலும் ஸ்ரீ கூர்ம லஷ்மி நரசிம்மர் , ஸ்ரீ கார்த்தவீர்யார்ஜூனர், கார்த்திகை பெண்களுடன் உள்ள ஸ்ரீ கார்த்திகை குமரன் ஆகிய ஸ்வாமிகளுக்கு சிறப்பு அபிஷேக,ஆராதனைகள் ,பூஜைகள் நடைபெற்றன.
ஹோமம் மற்றும் அபிஷேக பூஜைகளில் சென்னை உயர் நீதிமன்ற முன்னாள் நீதிபதியும், சென்னை தேசிய பசுமை தீர்ப்பாய ஆணையருமான டாக்டர்.பி.ஜோதிமணி, ராணிப்பேட்டை தொழிலதிபர் பி.ஆர்.சி. ரமேஷ்பிரசாத் ஆகியோர் கலந்து கொண்டனர். அப்போது ஆற்காடு வழக்கறிஞர் சங்கர் உள்பட பலர் உடன் இருந்தனர்.
இந்த ஹோமங்களிலும், பூஜைகளிலும் ஏராளமான பக்தர்கள் கலந்து கொண்டு தெய்வங்களை மனமுருக வழிபட்டனர்.
பக்தர்களுக்கு பீடாதிபதி டாக்டர். ஸ்ரீ முரளிதரஸ்வாமிகள் பிரசாதமும், ஆசியும் வழங்கினார்.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
.jpg)
No comments:
Post a Comment