வாலாஜாபேட்டை ஸ்ரீதன்வந்திரி ஆரோக்ய பீடத்தில் அஷ்டமியை முன்னிட்டு பைரவர்களுக்கு சிறப்பு ஹோமங்கள் ,அபிஷேகங்கள் நாளை சண்டி யாகம் நடைபெறுகிறது.
வாலாஜாபேட்டை, ஸ்ரீதன்வந்திரி ஆரோக்ய பீடத்தில் ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீமுரளிதரஸ்வாமிகள் ஆக்ஞைப்படி, இன்று 17ம் தேதி திங்கள்கிழமை , அஷ்டமியை முன்னிட்டு தன்வந்திரி பீடத்தில் உள்ள அசிதாங்க பைரவர், ருரு பைரவர், சண்ட பைரவர், குரோதண பைரவர், உன்மத்த பைரவர், கபால பைரவர், பீஷ்ண பைரவர் மற்றும் சம்ஹார பைரவருடன் கூடிய ஸ்ரீ அஷ்ட கால மகா பைரவர் மற்றும் ஸ்ரீ சொர்ணாகர்ஷண பைரவர் என மொத்தமுள்ள 10 பைரவர்களுக்கும் சிறப்பு ஹோமங்கள் மற்றும் அபிஷேகங்கள் நடைபெற்றது.
சிறப்பு ஹோமங்கள் மற்றும் பூஜைகளில் உலக நலன் மற்றும் சகல தோஷங்கள் விலகிட, நீண்ட ஆயுள், ஆரோக்யம் வேண்டி பிரார்த்தனை செய்யப்பட்டது. பூஜைகளில் கலந்து கொண்ட பக்தர்களுக்கு பீடாதிபதி டாக்டர்.ஸ்ரீ முரளிதரஸ்வாமிகள் பிரசாதமும், ஆசியும் வழங்கினார்.
ஸ்ரீ தன்வந்திரி ஆரோக்ய பீடத்தில் நாளை 18ம்தேதி செவ்வாய்க்கிழமை நவாவர்ண பூஜையுடன் மங்கள சண்டியாகம் மற்றும் பகவதி சேவா பூஜைகள் நடைபெறுகிறது.
இந்த யாகம் மற்றும் பலி பூஜைகளில் பாம்பு தோஷம், சர்ப்ப தோஷம் நீங்கிடவும், நட்சத்திர தோஷம், கால சர்ப்ப தோஷங்கள், சர்ப்ப கோபங்கள் நீங்கிடவும் பிரார்த்தனை செய்யப்பட உள்ளது.
யாகம்,பூஜைகளில் பக்தர்கள் கலந்து கொண்டு மேற்கண்ட தோஷங்கள் நீங்கிட தெய்வங்களை வணங்கி பிரார்த்தனை செய்து கொள்ளலாம் .
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்துள்ளனர்.
No comments:
Post a Comment