வாலாஜாபேட்டை ஸ்ரீதன்வந்திரி ஆரோக்ய பீடத்தில் ஸ்ரீ தன்வந்திரி ஜெயந்தி விழா 3 நாட்கள் நடைபெறுகிறது.தீபாவளி அன்று ஸ்ரீலஷ்மி குபேரர் யாகம்
வாலாஜாபேட்டை, ஸ்ரீதன்வந்திரி ஆரோக்ய பீடத்தில் ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீமுரளிதரஸ்வாமிகள் ஆக்ஞைப்படி, இன்று 20ம் தேதி வியாழக்கிழமை ஐப்பசி மாத குருவாரத்தை ( வியாழக்கிழமை) முன்னிட்டு , தன்வந்திரி பீடத்தில் பிரதிஷ்டை செய்யப்பட்டுள்ள மகான்கள், குருமார்கள், ரிஷிகளுக்கு சிறப்பு பூஜைகள் நடைபெற்றது.
வீரப்பிரம்மங்காரு சீடர் சித்தையாவுடன், அகத்தியர், சேஷாத்ரி சாமிகள், பகவான் மகாவீரர், குழந்தையானந்த சாமிகள் ,புத்தர், ராமகிருஷ்ண பரமஹம்சர், மகான் குருநானக், தங்க பாபா, சூர்ய பாபா,468 சித்தர்கள், வேதாந்த தேசிகர் உள்பட மொத்தம் 18 பேருக்கு சிறப்பு பூஜைகள் நடைபெற்றது.
முன்னதாக மகா அவதார் பாபாஜிக்கு சிறப்பு அபிஷேக, ஆராதனை நடைபெற்றது. இதில் பள்ளி மாணவ, மாணவிகள் உள்பட ஏராளமான பக்தர்கள் கலந்து கொண்டு சாமி தரிசனம் செய்து, ஸ்வாமிகளிடம் பிரசாதமும், ஆசியும் பெற்று சென்றனர்.
ஸ்ரீ தன்வந்திரி பகவான் ஜெயந்தி விழாவை முன்னிட்டு நாளை 21ம்தேதி வெள்ளிக்கிழமை கோ பூஜை, ஸ்ரீ தன்வந்திரி ஹோமம், ஸ்ரீ சுதர்சன ஹோமம், ஸ்ரீ ஆரோக்ய லஷ்மிக்கு நவகலச திருமஞ்சனம் ஆகியவையும் ,22ம் தேதி சனிக்கிழமை ஸ்ரீ தன்வந்திரி பகவானுக்கு 108 கலச தீர்த்த திருமஞ்சனமும், 23ம்தேதி ஞாயிற்றுக்கிழமை ஸ்ரீ தன்வந்திரி மஹா மந்திர ஜபமும், புஷ்ப யாகமும் நடைபெறுகிறது.
வருகிற 24ம்தேதி தீபாவளி பண்டிகையை முன்னிட்டு ஸ்ரீ லஷ்மி குபேரர் யாகம் நடைபெறுகிறது.இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
No comments:
Post a Comment