வாலாஜாபேட்டைஸ்ரீ தன்வந்திரி ஆரோக்ய பீடத்தில் ஆங்கில புத்தாண்டை முன்னிட்டுசிறப்பு பூஜை, ஹோமங்கள், தொடர் அன்னபிரசாதம் வழங்குதல்ஆயிரக்கணக்கான பக்தர்கள் வழிபாடு
வாலாஜாபேட்டை அடுத்த கீழ்புதுப்பேட்டையில் உள்ள ஸ்ரீ தன்வந்திரி ஆரோக்ய பீடத்தில் , ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீ முரளிதர ஸ்வாமிகளின் ஆக்ஞைப்படி , இன்று ஜனவரி 1ம் தேதி ஆங்கில புத்தாண்டை முன்னிட்டு சிறப்பு பூஜை, ஹோமங்கள், தொடர் அன்னபிரசாதம் வழங்கப்பட்டது.
ஆங்கில புத்தாண்டை முன்னிட்டு ஸ்ரீ தன்வந்திரி ஆரோக்ய பீடத்தில் காலை 5 மணிக்கு நடை திறக்கப்பட்டு , மங்கல வாத்தியத்துடன் கோபூஜை உள்பட சிறப்பு பூஜைகளும், சிறப்பு அலங்காரத்தில் மூலவர் ஸ்ரீ தன்வந்திரி பெருமாளுக்கு பூஜைகளும் நடைபெற்றது. மேலும் சிறப்பு ஹோமங்களுடன் ,காலை முதல் இரவு வரை பக்தர்களுக்கு தொடர் அன்னப்பிரசாதமும், ஔஷதமும் வழங்கப்பட்டது.
புத்தாண்டு தினத்தை முன்னிட்டு ஆயிரக்கணக்கான பக்தர்கள் நீண்ட வரிசையில் நின்று மூலவர் தன்வந்திரி பெருமாளையும் மற்ற 89 பரிவார தெய்வங்களையும் வழிபட்டு , பிரசாதமும், பீடாதிபதி ஸ்ரீ முரளிதர ஸ்வாமிகளிடம் ஆசியும் பெற்று சென்றனர்.
இது தவிர ஓம் சக்தி மாலை அணிந்து கர்நாடகா, ஆந்திரா மாநிலங்களிலிருந்தும், தமிழ்நாட்டின் பல பகுதிகளிலிருந்தும் வந்திருந்த திரளான பக்தர்களும் ஸ்வாமி தரிசனம் செய்து சென்றனர்.
புத்தாண்டு தினத்தை ஒட்டி தன்வந்திரி பீடத்திற்கு வரும் பக்தர்களின் வசதிக்காக மருத்துவ வசதி மையம் அமைக்கப்பட்டிருந்தது.அதில் ஏராளமான பக்தர்கள் உடல் பரிசோதனைகள் செய்து கொண்டனர். மேலும் தீ தடுப்பிற்காக தீயணைப்பு வாகனம், போலீஸ்பாதுகாப்பு உள்பட பாது காப்பு வசதிகளும் செய்யப்பட்டிருந்தது.
நாளை 2ம்தேதி திங்கள்கிழமை காலை 5.30 மணிக்கு , ஸ்ரீ தன்வந்திரி ஆரோக்ய பீடத்தில் வைகுண்ட ஏகாதசி சொர்க்கவாசல் திறப்பு வைபவம் நடைபெறுகிறது. வைகுண்ட ஏகாதசியை முன்னிட்டு சிறப்பு ஹோம பூஜைகளும் நடைபெறுகிறது.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்துள்ளனர்.
No comments:
Post a Comment