தன்வந்திரி ஆரோக்ய பீடத்தில் சமத்துவ பொங்கல். சமய நூல் வழங்கும் விழா
வாலாஜாபேட்டை,ஸ்ரீ தன்வந்திரி ஆரோக்ய பீடத்தில், ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீமுரளிதரஸ்வாமிகளின் ஆக்ஞைப்படி ஆண்டு தோறும் தமிழர் திருநாளான தைபொங்கல் விழா சமத்துவ பொங்கல் சமய நூல் வழங்கும் விழாவாக நடைபெற்று வருகிறது.
இந்த ஆண்டும் தன்வந்திரி ஆரோக்ய பீடத்தில் 18 ம் ஆண்டு பொங்கல் விழா சமத்துவ பொங்கலுடன் சமய நூல் வழங்கும் விழாவாக வருகிற 15.01.2023 ஞாயிற்றுகிழமை நண்பகல் 12.00 மணியளவில் நடைபெற உள்ளது.
இந்த அற்புதமான விழாவில் பக்தர்கள் அனைவரும் கலந்துகொண்டு பயன்பெறுமாறு யக்ஞஸ்ரீ கயிலை ஞானகுரு டாக்டர்.ஸ்ரீ முரளிதரஸ்வாமிகள் தெரிவித்துள்ளார்.
முன்னதாக இன்று 13ம்தேதி வெள்ளிக்கிழமை 7 வது நாளாக ஸ்ரீ லஷ்மி குபேரர் யாகம், லலிதா சகஸ்ரநாம பாராயணம் , ஸ்ரீ சூக்தம் மற்றும் மகாலஷ்மி ஹோமத்துடன் நடைபெற்றது. பின்னர் 1 லட்சம் காசுகள் கொண்டு ஸ்ரீ லஷ்மி குபேரருக்கு சிறப்பு பூஜைகள் நடைபெற்றது.
ஹோமம், அபிஷேகம் மற்றும் பூஜையில் பங்கேற்று ஸ்வாமி தரிசனம்செய்த பக்தர்களுக்கு பிரசாதமும் வழங்கப்பட்டது.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
No comments:
Post a Comment