வாலாஜாபேட்டை தன்வந்திரி ஆரோக்ய பீடத்தில் ஸ்ரீகார்த்தவீர்யார்ஜுனர் லட்ச ஜப மகா யாகம் சகஸ்ர கலசாபிஷேகம் நாளை நடைபெறுகிறது.
வாலாஜாபேட்டை அடுத்த கீழ்புதுப்பேட்டையில் உள்ள ஸ்ரீ தன்வந்திரி ஆரோக்ய பீடத்தில் , ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீ முரளிதர ஸ்வாமிகள் ஆக்ஞைப்படி ஸ்ரீ கார்த்தவீர்யார்ஜுனர் லட்ச ஜப மகா யாகமும் , சகஸ்ர கலசாபிஷேகமும் நடைபெறுகிறது.
ஸ்ரீ கார்த்தவீர்யார்ஜூனருக்கு, கைவிட்ட சொத்துக்கள் , களவு போன பொருள்கள் , இழந்த செல்வங்கள் மீண்டும் கிடைக்கவும், பிரிந்த குடும்பங்கள் ஒன்று சேரவும், தொலைந்த பொருள்கள் திரும்ப கிடைக்கவும் வேண்டி லட்ச ஜப மஹா யாகம் நடைபெறுகிறது. இதன் தொடர்ச்சியாக ஸ்ரீ கார்த்தவீர்யார்ஜுனருக்கு 1008 கலசங்களில் புனித நீர் கொண்டு சகஸ்ர கலசாபிஷேகம் நடைபெறுகிறது.
இதன்படி நேற்று 26ம்தேதி திங்கள் கிழமை தொடங்கிய லட்ச ஜபம் இன்றும் 27ம்தேதி நடைபெற்றது. நாளை 28ம்தேதி ஸ்ரீ கார்த்தவீர்யார்ஜுனர் யாகமும் பின்னர் மாலையில் 1008 கலசங்களில் நிரப்பி வைக்கப்பட்டுள்ள புனித நீர் கொண்டு ஸ்ரீ கார்த்தவீர்யார்ஜுனர்க்கு சகஸ்ர கலசாபிஷேகமும் நடைபெறுகிறது.
கலசாபிஷேக தீர்த்தம் பக்தர்களுக்கு ஔஷத பிரசாதமாக வழங்க்கப்பட உள்ளது.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்துள்ளனர்.
No comments:
Post a Comment