வாலாஜாபேட்டை
தன்வந்திரி ஆரோக்ய பீடத்தில்
மூலவர் ஸ்ரீ தன்வந்திரி பெருமாளுக்கு
அன்னாபிஷேகம்
வாலாஜாபேட்டை அடுத்த கீழ்புதுப்பேட்டையில் உள்ள ஸ்ரீ தன்வந்திரி ஆரோக்ய பீடத்தில் , ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீ முரளிதர ஸ்வாமிகள் ஆக்ஞைப்படி மூன்று நாட்கள் முத்தான மூன்று அபிஷேகங்களும், இலவச ஔஷதம் வழங்கும் விழாவும் நடைபெற்று வருகிறது.
இதன்படி தன்வந்திரி பீடத்தில் வருகிற 26ம்தேதி திங்கள்கிழமை பகல் 12 மணிக்கு, பத்ம பீடத்தில் நின்ற கோலத்தில் அருள்பாலித்து வரும் மூலவர் ஸ்ரீ தன்வந்திரி பெருமாளுக்கு வேறு எங்குமே இல்லாத வகையில் மஹா அன்னாபிஷேகம் நடைபெறுகிறது. மேலும் 26ம்தேதி காலை தன்வந்திரி பீடத்தில் உள்ள ஸ்ரீ லஷ்மி வராஹருக்கு சிறப்பு பூஜைகளுடன் 1008 கலசாபிஷேகம் நடைபெறுகிறது.
வருகிற 26ம்தேதி திங்கள் கிழமை முதல் 28ம்தேதி முடிய ஸ்ரீ கார்த்தவீர்யார்ஜூனருக்கு, கைவிட்ட சொத்துக்கள் , களவு போன பொருள்கள் , இழந்த செல்வங்கள் மீண்டும் கிடைக்கவும், பிரிந்த குடும்பங்கள் ஒன்று சேரவும், தொலைந்த பொருள்கள் திரும்ப கிடைக்கவும் வேண்டி லட்ச ஜப மஹா யாகம் நடைபெறுகிறது. இதன் தொடர்ச்சியாக 28ம்தேதி புதன் கிழமை மாலை ஸ்ரீ கார்த்தவீர்யார்ஜுனருக்கு 1000 கலசங்களில் புனித நீர் கொண்டு சகஸ்ர கலசாபிஷேகம் நடைபெறுகிறது.
அபிஷேக பூஜைகளின் அபிஷேக தீர்த்தம், பால், அன்னாபிஷேக அன்னம் ஆகியவை உள்பட அபிஷேக பிரசாதங்கள் இலவச ஔஷத பிரசாதங்களாக பக்தர்களுக்கு வழங்கப்படுவது குறிப்பிடத்தக்கது ஆகும்.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
No comments:
Post a Comment