வாலாஜாபேட்டை தன்வந்திரி ஆரோக்ய பீடத்தில் ஸ்ரீகார்த்தவீர்யார்ஜுனர் லட்ச ஜப மகா யாகம் சகஸ்ர (1008) கலசாபிஷேகம், 2000 தட்டு பூக்கள் கொண்டு புஷ்பாஞ்சலி
வாலாஜாபேட்டை அடுத்த கீழ்புதுப்பேட்டையில் உள்ள ஸ்ரீ தன்வந்திரி ஆரோக்ய பீடத்தில் , ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர்.ஸ்ரீ முரளிதர ஸ்வாமிகள் ஆக்ஞைப்படி ஸ்ரீ கார்த்தவீர்யார்ஜுனர் லட்ச ஜப மகா யாகமும் ,சகஸ்ர (1008 )கலசாபிஷேகமும், 2000 தட்டுகளில் பூக்கள் கொண்டு புஷ்பாஞ்சலியும் நடைபெற்றது.
ஆயிரம் கைகள் உடையவரான ஸ்ரீ கார்த்தவீர்யார்ஜூனருக்கு, கைவிட்ட சொத்துக்கள் , களவு போன பொருள்கள் , இழந்த செல்வங்கள் மீண்டும் கிடைக்கவும், பிரிந்த குடும்பங்கள் ஒன்று சேரவும், தொலைந்த பொருள்கள் திரும்ப கிடைக்கவும் வேண்டி லட்ச ஜப மஹா யாகமும் , 1008 கலசங்களில் புனித நீர் கொண்டு சகஸ்ர கலசாபிஷேகமும், புஷ்பாஞ்சலியும் நடைபெற்றது.
இதன்படி கடந்த 26ம்தேதி திங்கள் கிழமை தொடங்கிய லட்ச ஜபம்2 நாட்கள் நடைபெற்றது.
இன்று 28ம்தேதி காலை ஸ்ரீ கார்த்தவீர்யார்ஜுனர்க்கு மகா யாகமும், பின்னர் மாலையில் 1008 கலசங்களில் நிரப்பி வைக்கப்பட்டுள்ள புனித நீர் கொண்டு ஸ்ரீ கார்த்தவீர்யார்ஜுனர்க்கு சகஸ்ர கலசாபிஷேகமும் நடைபெற்றது. பின்னர் 2000 தட்டுக்களில் வைக்கப்பட்டிருந்த பூக்களை கொண்டு ஸ்ரீ கார்த்தவீர்யார்ஜுனர்க்கு புஷ்பாஞ்சலியும் , மகா தீபாராதனையுடன் சிறப்பு பூஜையும் நடைபெற்றது.
கலசாபிஷேக தீர்த்தம் பக்தர்களுக்கு ஔஷத பிரசாதமாக வழங்கப்பட்டது.
இந்த கார்த்தவீர்யார்ஜுனர் மகா யாகம் , சகஸ்ரகலசாபிஷேகம், புஷ்பாஞ்சலி ஆகியவற்றில் ஏராளமான பக்தர்கள் கலந்து கொண்டு ஸ்ரீ கார்த்தவீர்யார்ஜுனரை மனமுருக வழிபட்டு பிரசாதமும் , பீடாதிபதி ஸ்ரீ முரளிதரஸ்வாமிகளிடம் ஆசியும் பெற்று சென்றனர்.
இதற்கான ஏற்பாடுகளை ஸ்ரீ தன்வந்திரி குடும்பத்தினர் செய்திருந்தனர்.
No comments:
Post a Comment