ஸ்ரீ தன்வந்திரி பீடத்தில் ஆடி - பௌர்ணமியில்
சிறப்பு யாகங்கள்
வாலாஜாபேட்டை ஸ்ரீ தன்வந்திரி ஆரோக்ய பீடத்தில் 1/8/2023 செவ்வாய்க்கிழமை ஆடி16ம் நாள் பௌர்ணமியை முன்னிட்டு காலை 10.00 மணிக்கு ஸ்தாபகர் மற்றும் பீடாதிபதி யக்ஞஸ்ரீ கயிலை ஞானகுரு டாக்டர் ஸ்ரீ முரளிதர ஸ்வாமிகளின் ஆசிகளுடன் ஆண்கள் திருமணத்தடை நீங்கி விரைவில் திருமண பாக்கியம் பெற கந்தர்வ ராஜ ஹோமமும் பெண்கள் திருமணத்தடை நீங்கி விரைவில் திருமண பாக்கியம் பெற சுயம்வர கலா பார்வதி யாகமும் தம்பதிகள் குழந்தை பாக்கியம் பெற சந்தான கோபால யாகமும் நடைபெற்றது. மேலும் சிவலிங்கரூபமாக உள்ள 468 சித்தர்களுக்கு சிறப்பு பூஜையும் மற்றும் ராகு - கேது விற்கு சிறப்பு அன்னாபிஷேகமும் நடைபெற்றது. இதில் கலந்து கொண்ட பக்தர்களுக்கு ஸ்ரீ முரளிதர ஸ்வாமிகள் ஆசியுரையும் அன்னப்பிரசாதமும் வழங்கினார். இதனைத் தொடர்ந்து 3.08.2023 வியாழக்கிழமை ஆடிப்பெருக்கினை முன்னிட்டு ஸ்ரீ தங்க அன்னபூரனிக்கு விஷேச அபிஷேகமும் அன்னப்படையலும் மஞ்சள் கிழங்குடன் மாங்கல்ய சரடு வழங்கும் நிகழ்ச்சியும் 5.08.2023 மூன்றாவது ஆடி வெள்ளியை முன்னிட்டு அம்மனுக்கு கூழ்வார்த்தல் நிகழ்ச்சியும் குடும்ப ஷேம ஹோமமும் குல தெய்வ பூஜையும் நடைபெறவுள்ளது. இந்த தகவலை தன்வந்திரி குடும்பத்தினர் தெரிவித்தனர்.
No comments:
Post a Comment