தன்வந்திரி பீடத்தில் அருள்தரும் அற்புத ஹோமங்கள் 26.02.2017 ஞாயிறு காலை 10.00 மணி முதல் 1.00 மணி வரை

வேலூர் மாவட்டம் வாலாஜாபேட்டை கீழ்புதுப்பேட்டை ஸ்ரீ தன்வந்திரி ஆரோக்ய பீடத்தில் வருகிற 26.02.2017 ஞாயிற்றுகிழமை  உலக மக்களின் நலன் கருதியும் பல்வேறு வகையான அருள் தரும் அற்புத ஹோமங்கள் கீழ்கண்டவாறு நடைபெறுகிறது.

1.  அறிவு சார்ந்த 5 ஹோமங்கள்

பள்ளி மற்றும் கல்லூரி மாணவ மாணவிகள் வருகிற பொது தேர்வில் அதிக மதிப்பெண்கள் பெறவும் தேர்வு பயம் நீங்கவும், மேற் கல்வியில் சேர ஏற்படும் தடைகள் நீங்கவும், வாக்தேவியின் அருள் பெறவும்,, பெற்றோர்கள், மாணவ, மாணவிகள், ஆசிரியர்கள் நிர்வாகிகளுக்கு நல்ல ஒரு இணக்கம்  ஏற்படவும் ஆரோக்ய குறைவு ஏற்படாமல் இருக்கவும் ஸ்ரீ சரஸ்வதி ஹோமம், ஸ்ரீ லட்சுமி ஹயக்ரீவர் ஹோமம், ஸ்ரீ தட்சிணாமூர்த்தி ஹோமம், ஸ்ரீ வித்யா லட்சுமி ஹோமம், ஸ்ரீ வித்யா கணபதி ஹோமம், ஆகிய 5 அறிவு சார்ந்த ஹோமங்கள் நடைபெறுகிறது.

2.  ஸ்ரீ மஹா தன்வந்திரி ஹோமம்

உலக  மக்களின் உடற்பிணி உள்ளத்து பிணி நீங்க ஆரோக்யம் பெற 108 விதமான மூலிகைகளை கொண்டு நோய் தீர்க்கும்  மாபெரும் ஸ்ரீ தன்வந்திரி ஹோமம் நடைபெறுகிறது.

3.  சுயம்வர கலா பார்வதி ஹோமம்

பெண்களுடைய திருமணத்தடைக்கு காரணமாக விளங்குகின்ற செவ்வாய் தோஷம், களத்திர தோஷம், காலசர்ப்ப தோஷம்,நவக்கிரக தோஷம், மாங்கல்ய தோஷம்,போன்ற பல்வேறு வகையான தோஷங்கள் நீங்கி விரைவில் திருமணம் நடைபெற  பார்வதி பரமேஸ்வரர் ஆன உமா மகேஸ்வரரை வழிபடும் விதத்தில் சுயம்வர கலாபார்வதி ஹோமம் நடைபெற உள்ளது.

4.  ஸ்ரீ சூலினி துர்கா ஹோமத்துடன் அமாவாசை யாகம்

மாசி அமாவாசையை முன்னிட்டு உலக மக்களின் அன்றாட வாழ்வில் ஏற்படும் தோஷங்களையும் திருஷ்டிகளையும், சாபங்களையும் நீக்க வேண்டி பித்ருக்களுக்குரிய நாளான அமாவாசை அன்று தைரியங்களையும் , ஐஸ்வர்யங்களையும் தரக்கூடிய ஸ்ரீ

மஹா ப்ரத்தியங்கிரா தேவியை வழிபடும் விதத்திலும் ராகுகேது தோஷங்கள் அகலவும், பித்ரு தோஷங்கள் அகலவும் போட்டி பொறாமை போன்றவற்றிலிருந்து விடுபடவும் தொழில் உத்தியோகம், அபிவிருத்தி அடையவும் தன்வந்திரி பீடத்தில் ஸ்ரீ சூலினி துர்கா ஹோமத்துடன் அமாவாசை யாகம் நடைபெறுகிறது.

மேற்கண்ட அனைத்து ஹோமங்களும் தன்வந்திரி பீடத்தில் ஸ்ரீ முரளிதர ஸ்வாமிகளின் ஆக்ஞைப்படி ஞாயிறு காலை 10.00 மணியளவில் யாகசாலை பூஜையுடன் துவங்க உள்ளது.இந்த ஹோமத்தில் பல்வேறு வகையான மூலிகைகள், பழங்கள், புஷ்பங்கள், நெய், தேன், பட்டு வஸ்த்திரங்கள், சித்ரா அன்னம், திருஷ்டி நீக்கும் பொருட்கள் சேர்க்கப்பட உள்ளது..இதில்மாணவ மாணவிகள் திருமணத்தடை நீங்கும் பெண்கள் மற்றும் கல்வி  நிறுவனர்கள், பொது மக்கள் வியாபாரிகள், ஆகியோர்கள் கலந்து கொள்ள உள்ளனர். இந்த தகவலை தன்வந்திரி குடும்பத்தினர் தெரிவித்தனர்.